今日全日在港島區做嘢.....所以可以順便找她食lunch.....
原本晚上七點至返貢茶, 但Vicky四點幾打俾我, 問我可否早一個鍾返, 咁我見今日手頭之工作都攪掂哂, 所以就提早返貢茶.......
而她就去了鴻X堂買了燒賣同湯俾我......好耐無飲過....多謝您 !
仲有...她帶了一袋專程由澳門買返嚟的紅豆雪條俾我.....又真係幾好食喎.
今早起身得10度咋....好彩尋晚有人"迫"我搵番D長袖衫同厚外套出嚟, 如果唔係就.......所以我在此好誠懇講聲 : 多謝您, 傻豬仔 !
返到公司處理好文件後就出去做嘢......都去咗好多地方, 成績都OK....就係咁又忙咗成個下午. 跟住約了某人在旺角等, 我又沖了杯"正嘢"俾佢, 而佢就陪我食晚飯, 之後佢就返屋企, 而我就去貢茶開工......
後記....佢今晚屋企打邊爐呀.....攪到我都想打......激氣 !
仲有, 今晚在貢茶開工時, 突然見到趙SIR ( 前香港隊球員, 是我教練班的導師 ) 嚟買嘢飲, 結果我請佢飲杯嘢......
原本諗住早D起身去做一陣公司嘢先.....點知實在太攰, 太眼訓.....所以.....haha....再訓.
直到有人"morning call", 我至起身 ! 梳洗後去樓下食個早餐, 跟住就會合CC同她的同事, 因為我地報咗名行"新界區百萬行". 
我地先在南昌站集合, 
之後坐九巴提供的專車去到昂船洲大橋, 正式開始今日有意義的行程 !
整個行程大約6.5公里, 預計行兩個小時, 由昂船洲大橋出發, 經過南灣隧道, 到達青衣為終站. 好彩今日天氣唔錯.....比較清涼, 行起上嚟唔會太辛苦.....GREAT !
眼見今日都好多人報名, 有人拍拖拖, 有人聚家庭樂, 亦有一班專業"龍友"嚟取景....總之勁多人. 我身邊都有一位"龍友"CC, 佢不停影...不停影....一路影, 就一路叫攰, 俾佢激死 ! 不過又難怪佢, 因為D景色真係唔錯, 而且條橋係未正式通車, 又真係好值得一行同埋留下"倩"影.
行到3/4之行程左右, 我地就要步行經過"南灣隧道".....
以前揸車行隧道就行得多, 步行就真係第一次, 好得意 ! 穿過隧道之後, 終於到達終點了, 完成一個有意義的行程. 
之後我地坐番專車去青衣城, 行咗一陣, 再去"必X客"食埋嘢就返屋企.
雖然今日好攰, 但心裡實在好開心......因為......hehe.....唔講 ( 佢知就得啦 )
