KY升職之後忙到不得了，如果想繼續睇KY的近況，請去本人的網站啦！一樣可以見到KY。http://kycc2008121.mysinablog.com/
今日係父親節...雖然我老豆依家身處USA, 無法同佢慶祝...但都講一句 : 父親節快樂 !
我今日就同CC同佢爸爸慶祝父親節 ! 我一早揸車出去港灣搵位飲茶, 雖然間茶樓服務一般, 但無法, 今日真係好難搵位飲茶 !
飲完之後, 我就揸車一齊去左赤柱行個大運, 去左美利樓影相, CC好開心....不過差D攪到一身蟻...haha ! 我地又去左"星巴克"飲嘢, 坐左一陣, 再去萬寧同百佳買嘢 ! 之後就揸車去左舂磡角沙灘, 再去深水灣沙灘, CC玩得好開心, 仲話下次要真係落水.......傻瓜 !
行到咁上下, 我地就出發去灣仔, 因為我book左灣仔維景酒店食buffet ! 我地大家都食到好飽......個個都係一個鐘左右就投降, CC個細佬更加好似無乜點食嘢添....
食完後, 我就揸車車佢地返屋企, 今日大家都玩得好開心 !
今日放假, CC約左MayMay佢地去馬灣影相, 所以我就陪CC去, 幫佢拎嘢...做阿四 !
一早去接CC, 幫CC買左件三文治, 我地一路行, 佢一路食咁行去搭西鐵, 因為我地約左荃灣碼頭等, 搭船入馬灣 ! 入到之後, 等齊人....我地就去食個午餐 !
食完後, 行去馬灣公園, Mantha先幫MayMay化妝, 之後再幫CC化...Mantha真係好pro....化得唔錯, 原來佢係學過 ! CC原本已經好靚....經佢一揮筆, CC當堂仙人下凡咁....
之後成個下午, Mantha個朋友, MayMay個朋友不停咁幫佢地幾位"仙女"影相....而我就在旁打點一切....即係拎嘢同看嘢.....非常有意思的一天....haha !
不過大家都好攰, 而CC仲好唔舒服, 又俾蚊咬.....我連飯都唔食就送CC返屋企, 我見佢行步路都唔穩....送左佢返屋企之後, 我就自己一個人去食飯 !
雖然好攰, 但下午CC影相影得好開心...同好靚....攰都值得 !
今日係端午節.....我去CC爺爺屋企做節 !
中午時間...先去接CC, 跟住我去影證件相同曬相, 之後車CC去左新蒲崗探我阿伯 & 裝香俾我阿嫲...我阿伯&伯娘都好熱情...成日講"得閒上黎坐呀".....
之後我同CC去左食少少日本嘢, 跟住返港灣攞相, CC睇到D相係咁笑....傻瓜 ! 跟住我就揸車先入元朗, 因為要買B仔涼粉做手信.....之後就去天水圍佢爺爺度....CC俾左佢以前D相我睇, 我地又一齊整今日曬既相.....CC好開心咁....!
食過晚飯, 再食涼粉, 之後我就車CC佢地返屋企.....今日我都好開心....因為CC !
今日一早CC打俾我.....叫我起身.....
我起身有一個習慣...就係即刻開電視...一睇....嘩....黑雨呀....唔駛返工.....但諗諗下....都係返....第一, 我本身好多嘢要做.....第二, 可能會有其他人返....特別係D高層, 所以, 我決定照返, 不過就揸車返 !
揸車途中....好大雨, 能見度好低, 我開得好慢.....但都睇得好辛苦.....返到紅磡泊低架車之後, 先去食個早餐先....一坐就坐到九點....返到公司....haha...真係無人返....我有理無理照樣拍咭....跟住就走人 !
打俾CC, 約佢地一家人去飲茶, 我就揸車去接佢地去奧海城飲....嘩....好多地方封路....攪到我要繞路至去到 ! 一坐低無幾耐....大約11點左右...天文台取消黑雨...oh..no.....即係要"再"返工.....!
我泊架車去港灣...之後再坐2E返公司.....做到四點幾就走....跟住去CC屋企食飯, 同CC一齊整曲奇餅....我仲整左D好特別既形狀....hehe....佢阿媽仲教我下次點整個"LOVE"字.....
食完之後, 我睇左一陣電視....但CC嬲.....可能嬲我唔陪佢....又或者嬲我有關"薯蓉"問題...,anyway....我最後都氹番佢.....
嘩.....原來係咁靚女....
今日有一樣驚喜......就係CC轉番直頭髮, & CUT HAIR....
我今日入左天水圍做嘢.....收工後就出太子陪CC剪頭髮....我見到佢時...成頭白哂...haha, 佢話好肚餓, 我都有d....所以我先過隔離間茶餐廳食d嘢, 再買個三文治外賣俾CC......CC唔駛兩嘢就食完....
跟住見個髮型師開始攪CC.....個頭 !
嘩.......我以前聽CC講, 佢話D同事朋友話佢直髮好睇過曲髮......我一認識CC就係曲髮, 都覺得好好睇...因為CC本身係靚女.....但經過今晚....簡直係仙女下凡.....嘩....佢靚到......而且佢側側地望我.....我直頭暈哂浪.....I'm falling.....
今日公司勁忙....唔係因為paper work....而係連續開兩個會 !
一早10:00, 要同貨倉部開會.......開到成12:00.....跟住開埋d單.....食少少嘢.....下午2:30又要同marketing開會....一開就開到6:30....開完會我即刻走....因為要去CC屋企食飯 ! 一落到公司樓下....嘩....倒水呀.....勁大雨 ! 有遮都無用, 照濕 !
去到CC屋企...條褲已經濕左大半.....佢媽咪整左炒米粉, 仲有冬瓜粒湯...好好飲, 令我諗起我阿媽D湯......好耐無飲過 !
食完後, 我睇左一陣電視, 食埋個ice-cream就走喇......今日收到CC份小禮物, 好鍾意.....! 多謝您
